例如好多Youtuber都有食嘅網紅螺螄粉，
我已經想試好耐，不過每次下單都會話「不能寄送」，
今年6月天貓超市終於開始官方直送香港，
仲保證今日落單，聽日快遞到貨!
>>>天貓超市方便速食香港站官方直送 - 全球好貨,香港翌日達,遲到賠錢<<<
終於可以一次過拔草啦!!!
今次落單，
一共30件貨品，
總重量5kg，運費RMB40。
全單連運費RMB420。
我覺得一D都唔貴呀!!!
咁難得逛內地超市，
當然要買D香港買唔到嘅食物啦~
主要係有三個牌子:
包括三只松鼠，周黑鴨，柳全。
三只松鼠係內地最近非常火嘅零食品牌，《微微一笑很傾城》電視劇入面女主角都有食，
佢嘅果仁類最出名，
另外亦有水果乾、肉乾、泡椒鳳爪、魷魚絲......
我叫佢地做"大人之零食"~ 哈~
最近仲有各種折扣活動。
除咗三只松鼠，仲有百草味、良品鋪子都係比較大嘅零食品牌，
三間我都有買!
至於周黑鴨就買咗鴨肫、鴨舌同豆乾。
不過就唔係專賣店嗰種新鮮即食(只有好短保質期)，
而係獨立真空包裝嘅(可能會多D防腐劑)，
雖然我個人覺得都係新鮮更好味，
但有得食好過冇呀! 過住癮先!
柳全就買咗"正宗廣西螺螄粉"，
原本1包RMB16左右，
買99減50，所以最後係RMB8一包。
由於我都未試過，
聽講係臭臭粉，
都係食完再分享啦!
成個超市都有好多減價活動，
最平半價有多!
總之你將貨品放入購物車，
系統會自動提示你，
>>>買2免1<<< (當你將貨品數目變2，價錢都係不變)
>>>滿99減50<<< 或 >>>滿188減100<<< (同一區買滿指定金額先有得減價) (手機app可以直接click入去同一區揀貨)
我今日凌晨3點落單，
9個鐘後，今日中午12點已經發咗貨，
睇下聽日到貨未啦!!! (哇哈哈~~~好興奮~~~)
收到貨就同大家開箱!!!
[待續...]
